“Waxaan Halkan Kuugu Soo Gudbinayaa Qoraalkan Aan Iskaga Casilayo Xilka Aad Iigu Magacawday Wasiir-Xigeenka Wasaaradda Arrimaha Dibedda”Amb Baashe Cawil

HARGAYSA(W,N)-Amb baashe Cawil Xaaji  Cumar oo maalintii shalay maadxwaynaha Somaliland muse Biixi Cabdi umagacaabay wasiir kuxigeenka wasaarada arimaha dibada ayaa iska casilay xilkaasi iyo xilkii Safiirka dalka Kenya ee uu hore u ahaa wallow aanu wax faah faahin ah ka bixin sobobta uu uga biyo diiday xilka uu madaxwaynuhu umagacaabay.

Amb Baashe cawil ayaa qoraal uu ku shaacinayo iscasilaadiisa ku baahiyay barta uu ku leeyahay xidhiidhka bulshada ee faceboookga  wuxuna udhignaa Sidan;

WAR-SAXAAFADEED: 02/09/2021 ISCASILAAD

Mudane Madaxweyne anoo xiganaya  Wareegtadaada summadeedu tahay

JSL/XM/XKQ/222/1-708/092021 kuna taariikhaysan 02/09/2021, waxaan halkan kuugu soo gudbinayaa qoraalkan aan iskaga casilayo xilka aad iigu magacawday Wasiir-Xigeenka Wasaaradda Arrimaha Dibedda  iyo Iskaashiga Caalamiga ah, Sidoo kale waxaan iska casilay xilkii Wakiilnimada Xafiiska Somaliland Ee Dalka Kenya, kaas oo bishii August 13 2018 aad ii magacowday.

Waa sunnaha siyaasada in shaqada qaranku tahay qori isku dhiib, sidaad darteed  sharaf weyn ayay ii ahayd xilka aan  qarankankayga u hayay uguna addeegayay lixdii sanadood ee aan ahaa Wakiilka Somaliland u matalaya UAE iyo Kenya.

Ugu dambayntii waxaan rajaynayaa in aad iga aqbasho codsiga aan halkan kuugu soo gudbiyay.

ALLAA MAHAD LEH.

Baashe Cawil Xaaji Cumar.