Maxaad Kala Socotaa Hagardaamooyinka Musuq-maasuq Ee Agaasimaha Guud Wasaarada Warfaafinta Somaliland!!

“Masuul Ku Sifoobay Sunta Qabyaalada iyo Nin Jeclaysiga”

Hargeisa(W,N):-Dawladnnimadu waa howl wadareed bulsho kala duwan ay si wada jir ah u qabtaan, iyadoo halka laga unko daladnnimadu ee dhidibada looga taagaa ay tahay Agaasimaha guud ama wasaarad kasta oo dawladi leedahay.

Balse nasiib darro dhibaatada Wasaarada warfaafinta & dhaqanka wacyi galinta Somaliland haysata ayaa ah in marba masuul aan khibrad iyo aqoon waayo aragnimo u lahayn arrimaha warbaahinta loo soo magacaabo , taasina waata ka dhigtay in markasta uu yimaado khilaaf lunsi hanti ummadeed uu sabobay ka dhex dhaca, iyo shaqaalaha wasaarada warfaafinta oo ugu dambayn sameeya kooxaysi iyo iska horkeen Caqabad ku noqda hannaanka xil gudasho ee shaqaalaha Wasaaradda Warfaafinta .

Inta la ogyahay Masuuliyiintii ugu horeeyey ee Madaxweyne Muuse Biixi Cabdi u magacaabay Wasaarada Warfaafinta Somaliland ayaa xilalkooda ku waayey qaarna xabsi ku galeen kadib markii ay ku kaceen falal musuqmaasuq oo baahsan iyo lunsiga cashuurta laga qaado shacabka .

Inkastoo ay hore xilalkoodii ugu waayeen masuuliyiintii ugu sareeyay Wasaaradda Warfaafintu howl gal baadhiseed oo Hantidhowrku  ka sameeyey Wasaaradda Warfaafinta .

Xaaladda imika taagan ee Wasaaradda Warfaafinta waxaa sal u ah Agaasimaha guud ee wasaarada Maxamed Yuusuf Ismaaciil oo ah shaqsi xilal kala duwan kasoo qabtay xukuumada Madaxweyne Biixi iyo Xukuumadii hore Madaxweyne siilaanyo, iyadoo uu kamid ahaa Shaqsiyaadkii ugu horeeyey ee Maareeyahii hore Hay’adda Duulista Iyo Madaaradda ee Somaliland Capitan Cabdi Maxamed Rodol uu ka qaaday xilkii maamulaha Madaarka Cigaal .

Arrinta looga qaaday ayaa ahayd ficilo fool xun oo Musuqmaasuq iyo kala xulasho uu kula kacay shaqaalihii iyo saraakiishii madaarka Cigaal International airport, taas oo sababtay in qaar kamid ah Shaqaalihii madaarka Shaqada iska casilaan markii ay u dul qaadan waayeen tacadiyada uu kula kacay Maxamed Yuusuf Ismaaciil iyo lunsiga dhaqaalihii madaarka soo marayey oo talaabooyinka uu ku kacay ay kamid ahaayeen in dad kala soo dega xamuul kala duwan uu isagu ku amri jiray shaqaalaha in aan wax cashuur ah laga qaadin si tuugo ahna loogu soo dhaafiyo taa bedelkeedana ay sifo sharci darro ah kooxo isagu uu ka dhex sameystay shaqaaluhu usoo dhaafiyaan wakhtiyo gaar ah.

Halka maamulaha madaarka Maxamed Yuusuf Ismaaciil oo isaga ahaana lacago kala duwan uu ka qaadan jiray shaqsiyaadkaa uu sifaha sharciga xaaraanta ku ah ugu fuliyo agabka iyo xamuulka uga soo dega madaarka, una sameystay accounts u gaar ah iyo telefoono lacagta ugu yar ee loogu shubi jiray ay ahayd $500 ilaa $1000 oo aan ku dhicin qasnada dawlada.

Falalka noocaas ah iyo kuwo lamid ah oo sannado badan si hoose uu uga dhex waday madaarka hargeisa waxay sababeen inay soo dadajiyeen in si foolxun looga qaado mansabkii lagu aaminay, banaankana laga dhigo guud ahaan inuu wax shaqo ah ka qabto hay’ada madaarada jsl.

Shaqsiyada Agaasime Maxamed Yuusuf Ismaaciil oo ah noocaas ayaa muddo kooban oo uu hayey xilka agaasimaha guud ee wasaarada warfaafinta somaliland  durba ka dhex bilaabay dhaqamadaa foosha xun ee hore looga suuliyey wasaarada, waxaana durba wax badani iska bedeleen shaqaalaha wasaarada warfaafinta oo masuuliyiintii isaga ka horeeyey ay si kalfuran ula macaamili jireen, uguna dhex ahaayeen qaybinta hawlaha shaqo iyo in si cadaalladi ku jirto loogu maamulo dhaqaale tiro badan oo dawladu ku bixiso soosaarka barnaamijayada kala duwan oo ugu jira dakhliga telefishanka qaranka somaliland, kana gaar ahaa ka wasaarada.

Dhanka kale, waxuu isku dayey in uu si badheedh ah jeebadda ugu shubto Lacago kala duwan oo kasoo baxa Qasriga Madaxtooyada Somaliland oo loogu talo galay in maalmaha xuska qaranka si cadaallad ah loo gaadhsiiyo shaqaalaha Warbaahinta madaxa bannaan iyo kuwa dawlada  ee u soo jeedaa habeenkaasi baahinta wararka iyo xafladaha xusaska qaranka, inagoo tusaale usoo qaadan karna, xuskii qaran ee maalinta Madax banaanida qaran ee 26 june oo guud ahaan Warbaahinta somaliland si masuuliyad iyo milgo leh uga hawlgashay tabintiisa iyo gudbintiisa wararka iyo barnaamijyadii sida tooska ah uga socoday xuska maalinta qaran qasriga Madaxtooyada Somaliland.

Isagoo Agaasime Maxamed Yuusuf Ismaaciil ka badheedhay inuu jeebadda ku shubto dhaqaale kooban oo Madaxtooyada Somaliland u soo marisay Wasaarada Warfaafinta, balse markii hore ay Madaxtooyada Somaliland si wadajir ah u gaadhsiin jirtay wariyayaasha ku howlan tabinta xafladaha lagu xusayo habeenka Qaran ee 26 June ama 18 May .

Waxaanu si ka baxsan milgaha masuul xil haya uu isku dayey inuu iska horkeeno warbaahinta madaxa banaan ee  onlineka ah ama Websiteyada, isagoo si badheedha hadalo deelqaaf ah ugula kacay sheegayna inaaney dawladu u baahnayey guud ahaanba warbaahinta onlineka ah wax ay qaranka u qabtaana aaney jirin.

Sidoo kale iyana ma jirto dhaqaalahaa loogu talo galay xuska maalinta qaran ee 26june habayaraatee wax uu ka gaadhsiiyey shaqaalaha warbaahinta qaranka oo uu dulmi cad kula kacay.

Dhawaan ayey ahayd markii madaxweynaha jamhuuriyada somaliland mudane muuse biixi cabdi isagoo guud ahaan u mahadcelinaya Shacabka jamhuuriyada somaliland doorashadii sida nabad galyada ah u dhacday  uu si gaara ugu mahadnaqay dadaalkii ay ka qaateen hawlihii doorashada somaliland warbaahinta olineka ah oo habeen iyo maalinba u taagan hawlaha qaranka somaliland.

Iyadoo Madaxweynaha Somaliland mar uu ka hadlay sidii ay warbaahinta dalku uga qayb qaaday xuskii madaxbaanaida Somaliland ee 18may sigaar ah ugu Mahadnaqay Warbaahinta Onlineka ee Somaliland, oo door laxaadle ka qaadatay baahinta wararkii iyo barnaamijyadii qaranka ee xuska 18may

Isku soo wada duuboo, waxaa hubaala in Agaasimaha Guud ee Wasaaradda Warfaafinta Maxamad Yuusuf uu masuuliyadeedda yeelan doono khilaafka uu ka dhex abuurayo Warbaahinta Madaxa Bannnaan iyo dawladda Somaliland, hadii aanu Madaxwayne Madaxwayne Muuse Biixi tallaabada ku baboon ka qaadin .

Halkan Guji Oo ka Akhriso Markii ahaa madaarka hargeisa dhibaatooyinka uu ka gaystay;

Milicsiga Heerka Aqooneed iyo Hadimada Maamulaha Madaarka Cigaal: Maqaalka Kowaad W/Q Maxamed Beddel

La Soco Warbixino Ku Qotoma Xaqiiqooyinka Wiilkan Raad qaadka ee dhibaatadiisa laga qaylyey.

Qalinkii; Cabdilaahi Siciid Yuusuf (Rodol)

Hargeisa Somaliland