HARGAYSA(W,N)-Barnaamijka joogto hadal ee Televisionka Horyaal24 ayaa lagu falanqeeyay xadhiga musharax shucayb Maxamed Muuse oo ka sharaxan xisbiga Ucid golaha wakiilada Ee gobolka maroodi jeex doorashada fooda inagu soo haysta

Sidoo kale barnaamijkan oo ay ka qaybgaleen aqoonyahan Madaxbanaan, Agaasimaha horyaal24 Sayid cismaan mire Iyo qaybaha kala duwan ee bulshadu ayaa si qotodheer loogaga hadlay xadhiga musharax shucayb oo cunto joojin sameeyay islamarkaana ay lasoo daristay xaalad caafimaad daro.

Dhanka kale barnaamijkan ayaa lagu lafo guray cida ka danbaysa xadhiga musharax shucayb oo la la xidhiidhiyay Wasiirka Wasaarada isgaadhsiinta iyo shakhsiyaad kale oo ay musharaxa xidhan isku jufo hoose yihiin, kaasi oo ay uga dan leeyihiin Xadhigiisa sidii ay awood dawladeed ugaga reebi lahaayeen Tartanka doorashada iyagoo dhinaca kale dhisaya musharax kale oo ka sharaxan xisbiga kulmiye oo ay isku deegaan yihiin.

Halka sidoo kale lagaga hadlay cawaaqib xumada ka dhalan karta xadhiga siyaasiga ah iyo sidii uu madaxwayne biixi uga soo horjeeday markii aanu xilka haynin iyadoo Musharax shucayb uu mudo 10cisho ah ku xidhan saldhiga dhexe ee magaalada hargaysa kaasi oo sigaar ah loo gaystay saldhiga dhexe islamarkaana loo diiday in ay arkaan eheladiisu taasi oo qayb ka ah cadaadista iyo tacadiga lagula kacay  musharax shucayb maxamed muuse.

HALKAN KA DAAWO MUUQAALKA MBARNAAMIJKAN IYO XOGAHA LAGU SOO BANDHIGAY EE XADHIGA MUSHARAX SHUCAYB;