|
|||||
WAJAALE NEWS
Wefti Culus Oo Ka Socda Qaramada Midoobay Oo Ku Soo Wajahan Somaliland!
January 16, 2021 - Written by Editor:Hargeysa (W,N);-Qaramada Midoobay ayaa Wefti culus u soo diraysa Caasimadda Jamhuuriyadda Somaliland ee Hargeysa. Wargeyska Geeska Afrika ayaa loo sheegay in Maalmaha soo socda ay Somaliland safar ku imanayaan Wefti ka socda Qaramada Midoobay, kuwaasi oo uu hoggaaminayo Ergayga Qaramada Midoobay u qaabilsan Soomaaliya James Swan, kaasi oo fadhigiisu yahay Magaalada Muqdisho. Ma jiro War Rasmiya oo weli ka soo baxay Safarka Weftiga Qaramada Midoobay, balse waxa la sheegay inay dalka u imanayaan xal u helidda khilaafkii dhawaan soo kala dhex galay Somaliland iyo Qaramada Midoobay. Somaliland ayaa dhamaadkii sannadkii hore joojisay Hawlihii Qaramada Midoobay ka haysay dalka, ka dib markii ay soo baxday in qorshaheeda Waxqabad ee afarta sanadood ee soo socda uu waafaqsan yahay ka Dawladda Soomaaliya. Hore, waxa dhowr jeer khadka Telefoonka ugu wada-hadlay Madaxweynaha Somaliland Md. Muuse Biixi Cabdi iyo Ergayga Qaramada Midoobay ee Soomaaliya James Swan, iyagoo ka wada-hadlay sidii loo soo afjari lahaa xurguftaasi, balse illaa hadda ma muuqdo xal la gaadhay.
Related posts:“Culimadda Masaajidada Kaga Sheekeeya Taariikhda Nabiga SCW, Haddana Muhmal Galinaya Xuska Dhalashad... DAAWO;-Warbaahinta Dalka Jabuuti Oo Waraysi Xabsiga Kaga Soo Dhex Duubtay Duuliye Fu,aad Yuusuf Iyo ... DAAWO; Maayarka Magaalada Gabiley Oo Ka War Bixiyay Safar Uu Tagay Dalka Sweden Iyo Waxyaabihii Uqab... COMMENTS
|
LINKS
|
||||
|