Laascaanood(WJN)-Dadweyne Tira Badan oo isugu jira Qeybaha Kala Duwan Ee Bulshada Deegaanka Ceegaag, ayaa siweyn Usoo dhaweeyay Murashaxii i Horeeyay ee Deegaamada Gobolka Sool Ku Shaaciyay Damaciisa Doorashada Golaha Wakiilada Somaliland ee Soo Socota Murashax Axmed Xirsi Xasan oo ku Magac dheer, (Axmed-Qani),Kadib Markii uu Gaadhay Deegaankiisa, oo u Muujiyay Taageero Balaadhan.

Dadweynaha Degmada Ceegaag Soo Dhaweynta iyo Baashiraada ay usameeyeen, Murashaxan badheedhihiisa Siyaasadeed ee Loolanka Doorashada Baarlamaanka Soo bandhigay, Kadib Waxey u balanqaadeen Taageerada ay u hayaan,oo aanay ukala hadhi doonin Islamarkaana ay la Barbar joogaan hiil iyo hooba, iyagoo u balanqaadey in ay Siin Doonaan Codkooda iyo Taageeradoodaba Maadaama uu horeba uga Dhex Muuqdey Guud ahaanba Gobolka iyagoo xusey in ay ka Deegaan ahaana ku qabaan kalsooni dheeraad ah.

Murashaxa Axmed-Qani Xirsi Xasan, oo hore u ahaa Dhalinyarada ugu Firfircoon Gobolka Sool kana Soo dhex Muuqdey Ciyaaraha Kubada Cagta, iyo Isboortiga ayaa Noqonaya Murashaxii u horeeyay Ee Damaciisa kusoo Bandhiga Gobolkaasi Doorashada Golaha Baarlamaanka, Waxaanu Kasoo Qeyb qaatay Nabadayntii Gobolka Buuhoodle.

Murashaxa ayaa Dhinaciisa Siweyn uga Mahad Celiyay Soo dhaweynta iyo Taageerada ay u Muujiyeen Dadweynaha Deegaanka Ceegaag, Waxaanu u balanqaadey in uu Waxweyn ka qaban Doono Adeegyada Aasaasiga ah iyo Baahiyaadka kale ee Deegaankaba, Dhinacyada Waxbarashada Caafimaadka iyo Biyaha iyo Waliba jidadkaba.