MUQDISHO(W,N)- Qarax miino oo k adhacay magaalada muqdisho ayaa waxaa lagu dilay G/sare Cusmaan Muuse Maqaarow oo kamid ahaa saraakiisha Ciidanka Milateriga Soomaaliya, ayaa lagu dilay qarax miino oo lagula eegtay degmada Hodan ee gobolka Banaadir.

Kooxda Al-shabaab ayaa sheegatay masuuliyadda weerarkan oo ka dhacay inta udhaxaysa Tarabuunka iyo Isbitaalka Digfeer Ee magaalada Muqdisho.

Weerarkan ayaa sidoo kale waxaa waxyeelo ay kasoo gaadhay qaar kamid ah ciiddanka ilaalada sarkaalka la dilay oo la socday gaadhi tikniko ah ee uu qaraxu haleelay.

Al-shabaab ayaa waxay sheegeen inay weerarkan ku dileen sarkaalka iyo afar kamid ah ilaaladiisa, balse warar kale oo aan helnay waxay sheegayaan in dhimashadu tahay sarkaalka iyo hal askari.

WAJAALENEWS DESK

MUQDISHO OFFICE.