INNAA LILLAAHI WA INNAA ILAYHI RAAJICUUN

Alleh ha unaxariistee waxaa maanta galinkii danbe ku geeritooday dalka Hindiya Marxuum Muj Yuusuf Cabdi Xasan (Yuusuf Wayne oo kamida ahaa saraakiishii hogaaminaysay Halkankii dalka dib loogu xoreeyey marxuumka ayaa xaalad caafimaad loogu qaaday dalka hindiya oo uu hada xaqii ku helay.

Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Somaliland, waxa uu dhambaal tacsi ah u dirayaa, waxgaradka, waayeelka, aqoonyahanka, qoyska, ehelada, qaraabada, asxaabta iyo shacbiga Somaliland ee uu ka baxay Alle ha u naxariistee Marxuum Yuusuf Cabdi Xasan (Yuusuf Weyne) oo ku geeriyooday maanta oo ay taariikhdu ahayd 24/03/2019, Dalka Hindia.

Madaxweynuhu waxa uu marxuumka ku sifeeyey halgamaa ka baxay dalka iyo dadkaba, door muhiimana ka soo qaatay nabadayntii shacbiga Somaliland iyo dib u dhiskii dalka.

Waxaanu Madaxweynuhu marxuumka ALLE uga baryayaa inuu naxariistii janno ka waraabiyo waxgaradka, waayeelka, aqoonyahanka, qoyska, ehelada, qaraabada, asxaabta iyo shacbiga Somaliland ee uu ka baxayna samir iyo iimaan saadiqa ka siiyo.

Aamiin Aamiin Aamiin

Maxamuud Warsame Jaamac

Af-hayeenka Madaxweynaha JS