Diridhaba (WJN)- Wararka naga soo gaadhaya magaalada Diridhaba ee dalka Itoobiya, ayaa sheegaya in daad ku soo fatahay suuqa wayn ee Ashawa, daadkan ayaa ka yimid meelo ka baxsan magaalada halkaas oo roobab waawayn ka da’een maanta.

Cidina waxba kuma noqon daadkan, iyadoo dadka aagaas wax ku iibiya loo sii sheegay in biyo daad ah uu kusoo wajahan yahay, isla markaana alaabahooda ka gurtaan.

Ashawa waa suuq wayn oo alaabta bagaashka lagu iibiyo, sidoo kale waa goob dadku ka raacaan gaadiidka yaryar sida baajaajta ee xaafadaha magaalada u kala socda.

WAJAALENEWS DESK

DIRIDHABA OFFICE

WAJALENEWS@GMAIL.COM