Jigjiga (WJN)- Wararka ka imanaya Magaalada Jigjiga ee xarunta Dowlad Deegaanka Soomaalida Itoobiya, ayaa waxa ay sheegayaan in maanta ay deggan tahay xaaladda magaalada Jigjiga, kaddib markii ciidammada militariga ay la wareegeen waddooyinka magaalada Jigjiga.

Saraakiisha Dowlad Deegaanka waxay sheegeen in la dejiyay xaaladda isla markaasna magaalada ay hadda xasiloontahay.

Rabshadihii shalay ka dhacay Jigjiga waxaa ku dhintay laba qof halka ugu yaraan saddex qof ay ku dhaawacmeen rabshadihii halkaasi ka dhacay.

Rabshadahii shalay ka dhacay Jigjiga ayaa waxaa uu u dhexeeyay qaar kamid ah qowmiyadaha wada deggo dalkaasi ee Axmaarada iyo Soomaalida.

Halkan hoose ka dhagayso wararkii u dambeeyay

WAJAALENEWS DESK

JIGJIGA OFFICE

WAJALENEWS@GMAIL.COM