Hargeysa (WJN)- In kabadan 200 xabaal wadareedyo ah oo ay ku aasan yihiin kumanaan qof ayaa laga helay deeganno ay maamulaan kooxda IS gudaha dalka Ciraaq, sida lagu sheegay baadhitanno Qaramada Midoobay ay sameysay.

Xabaal wadareedyada ayaa laga helay waqooyiga iyo galbeedka dalka Ciraaq gaar ahaan gobollada Nineveh, Kirkuk, Salaaxddiin iyo Anbaar.

Warbixinta Qaramada Midoobay ayaa lagu sheegay in xabaalaha lagu aasaay 12,000 maydad ah.

Kooxda isku magacaawday Dowladda Islaamka waxay qabsatay deegaanno badan oo ku yaalla Ciraaq sannadkii 2014-kii halkaas oo ay kusoo roggeen shuruuc adag isla markaasna ay dilaayaan qof kasta oo kasoo horjeesta nidaamkooda.