Addis Ababa (WJN)- Ra’iisal wasaaraha dalka Itoobiya Abiy Ahmed ayaa ugu baaqay mas’uuliyiinta maamulada dalkaasi inay wax ka qabtaan rabshadaha u dhexeeyay qowmiyadaha qaar.

Ra’iisal wasaaraha Itoobiya ayaa difaacay isbadallada socda oo ay kamid yihiin furfurnaadka siyaadda iyo so afjaridda colaaddii xadka ee kala dhexeeysay dalka ay deriska ay yihiin ee Eritrea.

Abiy Ahmed ayaa hadalkan ka sheegay xilli maanta uu khudbaddiisii ugu horreysay uu ka jeedinayay shirka xisbiga EPRDF.

Wuxuuna ra’iisal wasaaraha ugu baaqay shacabka inay ka shaqeeyaan midnimada iyo amniga.

Madaxa shaqaalaha xafiiska Abiy Ahmed ayaa bartiisa Twitter-ka soo geliyay qodobadii uu ka hadlay ra’iisal wasaarahu.