Ceerigaabo (WJN)- Waxaa maanta si rasmi ah loo furay waddada wayn ee u dhexeeysa magaalo madaxda gobolka Sanaag ee Ceerigaabo iyo Ceel-Afweyn.

Waddadan laamiga ah oo dheereerkeedu yahay 86 kilomitar waxaa xadhiga ka jaray maanta wasiirka wasaaradda gaadidka iyo horumarinta waddooyinka Somaliland Cabdullaahi Abokor.

Waddada Ceerigaabo iyo Ceel-Afweyn ayaa ka qayb ah mashruuca dhismaha laamiga ilaa magaalada Burco oo dhan 284 kilomitar.

Waa mashruuca ugu wayn ee halkaasi laga bilaaabay oo shanti sanno ee lasoo dhaafay soo socday, waxaana ilaa iyo haatan ku baxay 22 milyan oo doolar.

Dadka deegaanka ayaa waxa ay sheegeen in horre wadadani ay shacabka deegaanka ay 12 saacaadood ay ku qaadan jireen waddada Ceergaabo iyo Burco, mararka ay roobabka da’aana dadka ay habeen u dhixi jireen balse hadda waxay ku qaataan 4 ilaa 5 saacadood.

Halkan hoose ka daawo muuqaalka