Hargeysa (WJN)- Jaaliyada dalka Sucuudi Arabiya ee degan Somaliland ayaa munaasibad balaadhan oo loogu dabaal dagayo xuska sanad Guurada 88aad Midowga dalka boqortooyada Sucuudiga ku qabtay Magaalada Hargaysa.

Munaasibadan oo ahayd mid si heer sare ah loo soo agaasimay ayaa waxaa kasoo qayb galay Madaxwayne Ku-xigeenka Somaliland, Madaxda asxaabta qaranka iyo masuuliyiin tiro badan oo ka kala socday golaha Wakiilada iyo qaybaha kala duwan ee bulshada.

Ugu horayna waxaa khudbado la xidhiidha xuska sanad guurada ka jeediyay saraakiil ka socday dalka Sucuudiga oo ka waramay xidhiidhka soo jireenka ahaa ee ka dhexeeya labadan dal.