Addis Ababa (WJN)- War qoraal ah oo ay soo saareen ciidamada amaanka ee Itoobiya ayaa lagu sheegay in ay talaabo qaadi doonaan si ay wax uga qabtaan xaaladaha marba marka ka dambeeya sii murgaya ee wadanka ka taagan.

Sida qoraalka lagu sheegay ciidamada amaanka ee Itoobiya ayaa wax ka qaban doona amaanka wadanka kaas oo todobaadkan umuuqday mid sii xumaanayay, waxayna ciidamadu sheegeen in wixii hada ka dambeeya uu sharcigu shaqayn doono.

Dhalin yaro abaabulan oo u dhalatay qoomiyada Oromada ayaa weeraro ku qaaday dad shacab ah oo ku dhaqan magaalada Addis Ababa iyo nawaaxigeeda halkaas oo iska hor imaad xoogan ku dhexmaray oo ay ku dhinteen dad badan kumanaan kalana ay ku baro kaceen.

Sidoo kale ururka TPLF ee hogaanka wadanka hayn jiray ayaa dhaliil u xambaariyay isbahaysiga EPRDF oo ay iyaguba kamid yihiin, waxayna ku sheegeen in wadanka ay haadaan kasii tuurayaan.

Dhinaca kale waxaa kulan la isugu yeedhay ururka EPRDF, kaas oo sida la sheegay lagaga arinsan doono marxaladaha adag ee la galay iyo sidii loo wajihi lahaa arimaha soo cusboonaaday.

WAJAALENEWS DESK

JIG JIGA OFIICE

WAJALENEWS@GMAIL.COM