Djibouti (WJN)- Wasiirka arrimaha dibedda dalka Jabuuti Maxamuud Cali Yuusuf ayaa waxa uu ka hadlay xidhiirdhka labada dowladood ee Jabuuti iyo Soomaaliya.

Wasiirka arrimaha dibedda Jabuuti oo boggiisa Twitter-ka oo dhigay qoraal koobaan oo uu arintaasi kaga hadlayo ayaa Qoraalkiisa ku sheegay in xidhiidhka ka dhaxeeya labada dal uu sii ahaan doono mid xoogan marka loo eego khilaafkii dhawaan ka dhashay booqashadii madaxweynaha Soomaaliya bishii July uu ku tagay magaalada Asmara ee dalka Eritrea.

Booqashada madaxweyne Farmaajo ee dalka Jabuuti uu ku joogo iyo kulamada uu la qaatay dhiggiisa Ismaaciil Cumar Geelle ayuu ku sheegay in ay dhidibada u sii adkeyn doonto xidhiidhka walaal-timo ee labada dowladood.