Warbixinta Amnesty ayaa lagu yidhi “Isu-tagga Imaaraadka Carabta oo xaalado aan caddeyn kaga shaqeynaya Koonfurta Yemen ayaa u muuqda inuu abuuray hanaan amni oo aan sharci ahayn, iyada oo la geystay xadgudubyo laga argagaxo, oo wali socda iyaga oo waxba laga qaban.”

Dawladda Isu-tagga Imaaraadka Carabta ayaa si soo noqnoqatay u diidday in xabsiyo qarsoodi ah ay leedahay. Waxay sheegtay in maamulka Yemen uu si buuxda gacanta ugu hayo hanaanka caddaaladda iyo xabsiyada dalka.

Amnesty ayaa Maraykanka ugu yeedhay in uu meel adag ka istaago adeegsiga jidhdilka ee dalka Yemen ka dhacaya, isla markaana uu diido macluumaadka lagu helay iyada oo la adeegsanayo hababkaas, marka dagaalka lagula jiro kooxaha argagixisada.