Hargeysa (W,N)- Wasiirka Beeraha Somaliland Axmed Muumin Seed ayaa isku shaandhayn ku sameeyay Agaasime Waaxeedyada kala duwan ee wasaaradda Beeraha.

Wareegtada uu soo saaray Wasiir Axmed Muumin Seed oo uu nuqul ka mid ahi soo gaadhay xafiiska warqabadka Shabakada Wajaalenews.net ayaa u dhignayd sidan:-

Markii aan arkay Mihiimadda ay Agaasime Waaxeedadu u leeyihiin

Shaqada Wasaaradda Horumarinta Beeraha

Markaan tixgaliyey Talooyin badan oo lagama maarmaan u ah shaqada iyo

Hawl socodsiinta Wasaaradda Horumarinta Beeraha.

Markaan ogaaday Aqoontooda, Kartidooda, iyo Waayo aragnimadooda

Sidaas awgeed waxaan u magacaabay in ay ahaadaan Agaasime Waaxeedadda Wasaaradda Horumarinta Beeraha Magacayadan hoos ku xusan:

Magaca Waaxda

1 Saam Axmed Jaamac ( Aar):

Qorsheynta, Mashaariicda, Tirokoobka iyo Xidhiidhka Hay’addaha

2 Xasan Cabdi Jaamac khayre :

Maamulka, Xisaabaadka iyo Taakulaynta (Gaadiidka iyo Cagafyadda)

3 Yaasmiin Xasan Siciid Dirir

Shaqadda iyo Shaqaalaha

4 Cabdirisaaq Cabdillaahi Ibraahim:

Wax soo saarka iyo Sugida Cuntada

5 Cabdiqani Yuusuf Galaydh

Dhulka, Biyaha iyo Saadaasha Hawadda

6 Maxamed Daahir Warsame Faarax:

Cilmi Baadhista iyo Fidinta

7 Maxamed Siciid Maxamed Maxamuud:

Badbaadadda Beeraha

Laga bilaabo Taariikhda Qoraalkani soo baxay waxaa la idinka filayaa in aad si xilkasnimo leh aad u gudan doontaan xilka iyo waajibkaasi la idin saaray ee la xidhiidha Wasaaradda Horumarinta Beeraha, kuna shaqayn doontaan Hufnaan iyo Daacadnimo.

Wabillaahi Tawfiiq.

Axmed Muumin Seed

Wasiirka Wasaaradda Horumarinta Beeraha JSL.