Sarifkan Xaaraanta Ee, Samadaa Doolarkii U Kacay, Siyaasad Qaloocatiyo, Soof Daran Habawgiina Helay

BISMILAAHI ALRAXMAAN ALRAXIIM.S.C.W.R.W.B.
Salaan khaas ahna bahda hadhwanaagnews iyo akhristayaashooda

1-WAXAAN SOO SAARO IYO,SARAACAD HADDAAN LA HAYN,

SANCANA INOO SOO KORDHAYN,SUUQYADA LOO DHOOFIYA,

SABOOL SIDAAN KAGA BAXNA,SUA’AALI KA TAAGAN TAHAY,

SARANSEERKII ABAARIHIYO,SAAMAYNTAY NAGU DHIGEEN,

SACUUDI XOOLAHENI NACAY,AYAA SIXIRBARARKA DHALAY.

2-SARIFKAN XAARAANTA EE,SAMADAA DOOLARKII U KACAY,

SIYAASAD QALOOCATIYO,SOOF DARAN HABAWGIINA HELAY,
SHACABKU KALA SOOCANYIIN,SAGSAAG IYO GUUXBA JIRO,

SAHALBAAD KU DAWEYN KARTAAN,SIRITEENI SOO JIRENIME,

SOMALILAAN LAGU YAQIIN,SEBENO AY KU SOO DHISNAYD.

3-SALUUGIYO TABASHADIYO,HADDII ISASEEGBA DHACABA,

SAMIRKAYNU WAX DHEERAHO,SAMAY KU DHAMAANAYSAA,

SAANAD BAYNU U LEENAHIYO,HANAANKEENII SUUBANAA,

SAATIRKAYNU LA KAASHANAA,ALLUHU WAY NAGU SIMAA,

SAACADAA LAGU SOO SAXAA,WAXII SIRGACMEE QALDAMA.

4-SOMALILAAN SOCDAASHAYOO,AAD BAY U SIRAADANTAHAY,

SEEXTAA NABAD UGU LEDAA,SAMAHAY KU BARBAARTAYOO,

SIDIIBAA LAYSKU SOORAYAA,SADKANNA LOO WADAAGAYAA,

SUUQYADA DOOLARKII DHEXYAAL,ILAA SUBAXDIYO HABEEN,

SAKAYUURTI ILAALIYIYO,SANAADUUQ AAN LAGU XARAYN.

5-SIDAASAA SAYLACIYO BERBERA,ADUUNKU U SOO SOCDA,

SITIINKII WAX NA SEEGAYBAA,SAADAALADI MUUQATAAYE,

SALUUGIYO MURAN KA DHAWR,SADKA EBBE KUGU GALADAY,

SIDEED IYO TOBANKI MEEY,SOYNAGII SANADGUURADII,

SODONAAD OO SADDEX LA’AYD,SAGOTINAYUUN DARAAD.

ISMAIL ABDILLAHI HANDULEH.