Hargaysa (W,N) – Kobaca dhaqaalaha Mareykanka ayaa la sheegay inuu seddexdi bilood ee la soo dhaafay kobaciisa uu yahay 2.2% taasoo ka hooseysa qayaasti lagu waday inuu gaadho oo ahayad 2.3%.

Waaxda dhaqaalaha Mareykanka ayaa waxay Arbacadii soo saartay warbixin dib loo habeeyey oo ku saabsan qiyaasta kobaca dhaqaalaha dalka.

Waxayna warbixintu sheegeysaa alaabada la dhoofiyo, maalgashiga iyo lacagaha ay dadku ku bixiyaan adeegyada kala duwan iney hoos u dhaceen.

Rubaca koobaad ee sanad walba ayaa lagu sheegay in uu hooseyn karo balse dhaqaalyahannadu waxay sheegeen iney rubacyada kale ee sanadka ka hadhsan iyo bilaha soo socdaba kobaca dhaqaalaha uu isa soo tari karo.

Marka la barbar dhigo rubaca koobaad ee sanadka 2017, cabbirka alaabada iyo aadeegyada gudaha Mareykanka waxay dejiyeen sicir bararki kobacoodana wuxuu ahaa 2.8%, taasoo ka dhigeyso kobci ugu badnaa tani iyo 2015-ka.

Warbixintu waxaa kale oo ay sheegeysaa sicir bararka dhinaca dhaqaalaha ka muuqda rubaca koobaad ee sanadkan inuu yahay 2%.

Isticmaalka kharashaadka ee macamiisha waxay korodhay 1% oo keli ah, iyada oo saadaasha lagu waday iney gaadho 1.1%, taasoo ka dhigeyso kobacii ugu hooseeyey ee Mareykanka rubaca koobaad uu gaadho.

Kharashaadka lagu bixiyo dhismaha guriyaha iyo waxyaabaha kale ee udub dhexaadka u ahaa kobaca dhaqaalaha dalka waxay hoos u dhaceen 2%.

Hase yeeshee, waxaa kordhay dhaqaalaha dhinaca maalgashiga oo weliba ka sarreeyo halki lagu lagu waday inuu gaadho. Waxyaabaha hoos u dhaca dhaqaale kaalinta ku leh waxaa ka mid ah cashuurta dalka ee ahayd 35% oo laga dhigay 21%.

BBC