Addis Ababa (W,N):- Ra’iisal wasaariha Itoobiya ee dhowaan la magacaabay Abiy Ahmed ayaa sheegaya in uu qaadayo tallaabooyin cusub oo lagu xaddidayo muddada xilka uu haynayo Ra’iisal wasaaraha, taas oo lagu soo koobayo laba xilli doorasho oo kaliya.

Haatan sharciga waddanka ayaa u oggolaanaya Ra’isal wasaaraha in xilka uu hayo mudda aan cayinayn.

Tallaabadaan ayaa ka mid ah isbedello uu Mr Abiy hore u ballan qaaday inkastoo waddanka uu weli ku jiro amarka deg-degga ah.

Ra’iisal wasaarihii isaga ka horreyay Hailemariam Desalegn, ayaa si lama filaan isku casilay bishii feberwary iyadoo wadanka uu wajahayay dibed baxyo looga soo horjeeda dowladda.

Mr Abiy ayaa ka soo jeeda qowmiyadda ugu badan Itoobiya ee Oromda, kuwaasoo muddo dheer ku andacoonayay in la xaqiray.