Hargaysa (W,N):- Ugu yaraan 17 ruux ayaa ku dhimatay 36 kalana dhaawac ayaa soo gaadhay kadib marki baabuur bas ah oo ay la socdeen uu Jimcihii maanta ku rogmaday bariga dalka Turkiga.

Goob-joogayaasha ayaa sheegay in gaadhiga uu ku dhacay mid ka mid ah baallayaasha Laydhadhka ee ku taxan waddada, kadibna uu gaadhiga dab qabsaday.

Dadka dhintay ayaa waxaa ku jira darawalkii baabuurka. Dhaawacyada ayaa waxaa loo qaaday Cisbitaalka magaalada Igdir, sida ay sheegeen saraakiisha dowlada.

Gudoomiyaha magaalada Igdir, Enver Unlu ayaa sheegay in dadka qaar ay ku dhinteen isla goobta. Hallka kuwo kalana uu jiidhay baabuur kale oo ka danbeeyay.

Wakaalada wararka Turkiga ee Anadolu ayaa ku warrantay in dadka ku dhintay iyo kuwa ku dhaawacmay shilka baabuur ay ahaayeen muhaajiriin si sharci darro ah kusoo galay Turkiga.

Wakaalada ayaa sheegtay in dadkani kasoo jeedaan dalalka Afghan, Pakistan iyo Iran. Waxay kasoo tallaabeen xadka Turkiga uu la wadaago Iran.