Muqdisho (W,N):- Inta la xaqiijiyay laba qof ayaa ku dhimatay, saddex kalena wey ku dhaawacantay qarax gaadhi oo maanta ka dhacay kantoroolka Siinka Dheer ee isku xidha Magaalada Muqdisho iyo Afgooye.

Gaadhigan oo ahaa nooca yar yar ee raaxada ayaa la sheegay inuu qarxay xilli ay ciidamada amaanka Muqdisho baadhayeen.

Ururka al-Shabab ayaa isna sheegtay in weerarkaasi ay ka dambeeyeen kuna dileen askar ka tirsan kuwa dowladda Soomaaliya.

Waxaana qaraxan uu ku soo beegmayaa iyadoo dowladda Federaalka ah ee Soomaaliya oo sheegtay inay wax ka qabaneyso ammaanka, kadib qaraxyo Muqdisho ka dhacay toddobaadkii hore, kuwaas oo ay ku dhinteen dad gaadhaya 40 qof.