Hargeysa (W,N):- Gudoomiyaha Xisbiga Mucaaridka ah ee Waddani  Cabdiraxmaan Maxamed Cabdilaahi Ciro ayaa waxaa uu degmada Maxamuud Cabane /Daadmadheedh uu kaga qeyb-galay xafladda caleemo saarka iyo caano shubka Suldaanka beesha Gumbuur/Habar-Yoonis oo si muwaafaqo leh u doortay Suldaan Axmed Maxamuud Cawed.

Xafladdii caano-shubka Suldaanka oo ahayd madal boqran oo bilan oo ay ka soo qayb galeen baha dhaqan oo dhan, ayaa hadal kooban oo halkaas uu ka jeediyey Gudoomiye  Cirro wuxu si weyn ugu hambalyeeyey Suldaanka isaga oo sheegay in uu yahay shakhsi munaasib ku ah xilkaas loo cumaamaday isla mar ahaantaana uu reerkii soo doortay ku amaanayo xulashadooda ay sameeyeen.

Sidoo kalena Gudoomiye Cabdiraxmaan Cirro, wuxu ugu dambeyn uu halkaas uga soo jeediyey erayo iskugu jiray duco iyo dardaaran ku aadan xilka loo doortay.