Qaarkamida Ganacsatada Reer Jabuuti Oo Siwayn Uga Dhex Muuqday Soo Dhawayntii Madaxwaynaha Somaliland.Daawo Sawirrada,

Jabuuti(W.N)Madaxweynaha Jamhuuriyadda Somaliland, Mudane Muuse Biixi Cabdi iyo weftigii uu hoggaaminayey oo si heer caalami ah, meeqaamkeeduna sareeyo loogu soo dhaweeyey dalka Jabuuti, markii ay gaadheen madaarka diyaaraha ee dalkaasi, oo ay ku sugayaan madaxweynaha Jamhuuriyadda Jabuuti, Mudane Ismaaciil Cumar Geelle iyo xubno ka mida golihiisa wasiiradu.

Madaxweynuhu waxa uu salaan ka qaatay ciidamada dalka Jabuuti ka dibna waxa loo sii gelbiyey dhinaca qolka nasashada (VIP)-da oo uu ku sugayey madaxweynaha Jamhuuriyadda Jabuuti, Mudane Ismaaciil Cumar Geelle.

Madaxweyne Geelle oo isagu marti-qaadka u fidiyey madaxweyne Muuse Biixi si balaadhana u qaabiley una soo dhaweeyey dhigiisa Somaliland ayaa qadar nasasho ah ka dib madaxweynaha iyo weftigiisa u gelbiyey Hotel Kempinski oo ay weftigu ka degan yihiin.

Socdaalka madaxwaynaha jamhuuriyada Somaliland ayaa waxaa ku lamaanaa muuqaalo kala duwan oo muujinaya sida ay dalka jabuuti uga muuqato isbadal siyaasadeed oo ku waajahan Somaliland,

Waxa kale oo xusid mudan soo dhawayntan madaxwayne muuse biixi ayaa waxaa markii uhoraysay ka dhex muuqday qaarkamida ganacsatada Reer Jabuuti ee saamaynta Balaadhan ku leh Siyaasada Somaliland iyo xubno kale oo muhiim ah .

WAJAALENEWS DESK

HARGEISA OFFICE

EMAIL;WAJALENEWS@GMAIL.COM