Beyrouth,(W,N)-Ciidamada amaanka dalka Lubnan ayaa u adeegsaday suntan dadka ka ilmeysiisa iyo tubooyinka biyaha tuura, dad badan oo Axadii maanta isugu soo baxay agagaarka safaaradda uu Mareykanka ku leeyahay magaalada Beyruud.

Mudaharaadayaasha ayaa ka cadheysnaa go,aanki uu madaxweyne Trump magaalada Qudus ugu aqoonsaday caasimada Israel.

Dadka isu soo baxay ayaa ruxayay calanka Falastiin, qaarkood ayaa dab qabadsiiyay wadooyinka isla markaana xidhay jidka taga safaarada Mareykanka ee xaafadda Awkar ee waqooyiga Beyrud.

Sabtidii shalayna, wasiirada arrimaha dibada dalalka Carabta ayaa kulan ay ku yeesheen magaalada Qaihor waxay ugu baaqeen Mareykanka inuu ka laabto go,aanka uu Qudus ugu aqoonsaday caasimada Israel.