Hargeysa(W,N)-Wararka soo gaadhaya Xafiiska Warqabadka Shabakada Wararka Wajaalenews ayaa sheegaya in Guddiga komishanka Doorashooyinka Qaranka Somaliland la filayo in caawa ay  ku dhawaaqaan natiijada hordhaca ah ee doorashada madaxtooyada Somaliland.

Waxaana guddigu ay maanta kaga eeg tahay wakhtigii uu sharcigu farayay inay haysan karaan ku dhawaaqista natiijada doorashada,waxaana xoguhu tibaaxeen in ay caawa ku dhawaaqaan natiijada hordhaca ah ee doorashada.

Sidoo kalen guddiga komishanka ayaa la filayaa in ay goordhaw warbaahinta la hadlaan isla markaana ay ka hadlaan inay soo dhamaatay tirintii codadka doorashada madaxtooyada,walow ay wali taagan tahay xalka laga gaadhayna aan la shaacin cabashooyin uu tirsanayay xisbiga mucaaradka ee WADDANI oo ku saabsan tirinta codadka doorashada.

Shacabka Somaliland ayaa aad ugu dhag taagaya wakhtiga ay ku dhawaaqayaan guddiga doorashooyinku natiijada kama danbaysta ah ee doorashada madaxtooyada Somaliland isla markaana ay shaacinayaan murrashax madaxwayne iyo ku xigeen ee ku guulaystay hogaaminta talada dalka Somaliland ee shanta sanno ee soo socota.
 

Wariye: Xamse Jirde

Wajaalenews.net

Hargaysa Office