Hargeysa(W,N)-Gudoomiyaha guddiga komishanka Qaranka Somaliland Cabdiqaadir Iimaan Warsame iyo murrashaxa madaxwayne ee xisbiga WADDANI Dr Cabdiraxmaan Cirro oo goordhawayd warbaahinta si wada jira ula hadlay warbaahinta ayaa waxay shaaca ka qaadeen in xal iyo is afgarad laga gaadhay kulankii labada maalmood u socday guddiga komishanka Qaranka iyo murrashax iyo hogaanka xisbiga WADDANI ee ku saabsanaa cabashadii xisbiga WADDANI u gudbiyay guddiga iyo shaqo joojintii ay sameeyeen xisbiga WADDANI.

Cabdiqaadir Iimaan Warsame gudoomiyaha guddiga doorashooyinka Qaranka ayaa murrashaxx Cirro ku amaanay qaabka uu ula shaqeeyay,isaga oo sheegay inuu yahay murrashax Cirro nin tudhaale ka leh qaranka Somaliland,sidoo kalena waxa uu sheegay in tirinta codadkii Gobolka Maroodi-jeex iyo degmada Gabiley ay sidoodii usii soconayaan.

Dhinaca kale murrashax Cirro waxa uu shaaca ka qaaday in is afgarad kusoo dhamaaday kulankaasi,waxaana uu sidoo kale shaaca ka qaaday in buugii codaynta ee xisbiga WADDANI soo bandhigeen uu ahaa mid ay leeyihiin guddiga Doorashooyinka Qaranka,sidoo kale waxa uu s heegay in xisbiga WADDANI uu soo celiyey wada shaqaytii ka dhaxaysay guddiga doorashooyinka iyo xisbiga WADDANI ee dhawaan ay hakiyeen xisbigu.

Halkan Hoose Ka Daawo Muuqaalka