Buuhoodle,(W,N)-Wararka  naga soo gaadhaya magaalada Buuhoodle ee xarunta gobolka Cayn soona gaadhaya Xafiiska warqabadka Shabakada Wararka Wajaalenews ayaa waxay sheegayaan in xalay saq dhexe dabley hubaysan ay weerar kusoo qaadeen hudheelka uu magaalada Buuhoodle ka dagan yahay horjoogaha kooxda Khaatumo Dr Cali Khaliif Galaydh oo mudooyinkii u danbeeyey saldhig u ahaa.

Waxaana naloo sheegay in dableydani ay xalay xoog ku galeen hudheelka uu dagan yahay Cali Khaliif Galayd,iyaga oo jabiyay albaabka wayn ee laga galo Hudheelka,waxaana ay la baxeen oo ay dhaceen gaadhigii gaarka ahaa ee Dr Cali Khaliif Galaydh oo ahaa nooca yaaqaano VX ama Calaawi.

Waxaana ay dableydani xalay xilliga danbe weerarka kusoo qaaday ay ahaayeen sida naloo sheegay ciidan iyagu laba jeer oo hore rabasho ka hor sameeyey hudheelka,kuwaas oo ka cabanaya mushahar la’aan.

Gaadhigii Horjooge Cali Khaliif Galaydh ayaa ilaa hadda la la yahay meel ay geeyeen dableydan xalay dhacday

.

Gabagabadiina arrinkan weerarkan xalay lagu soo qaaday horjooge Cali Khaliif Galaydh ayaa loo nisbaynayaa inuu ka danbeeyey kadib markii shalay ay guddiga wada hadalada u qaabilsan kooxda Khaatumo ay ku shireen hudheelka isla markaana ay kaga wada hadleen arrimo khuseeya wada hadalada iyo shir la filayo inuu ka dhaco magaalada Burco dhawaan.