Hargeysa(W,N)-Madaxweyne ku xigeenka somaliland ayaa cusbitaalka International ee magaalada Hargeysa ku booqday xildhibaan Xaaji Cabdikariim Xuseen(Cabdi Waraabe) oo xaalad caafimaad u jiifa cusbitaalkaasi.

Madaxweyne ku xigeenka somaliland oo ay weheliyaan xubno ka mid ah golaha wasiirada iyo masuuliyiin kale  ayaa  ALLE uga baryey   xildhibaan Xaaji Cabdi Waraabe inuu caafimaad taam ah siiyo kana dulqaado xanuunka,.

Madaxweyne ku xigeenka somaliland ayaa sheegay in xukuumadu u diri doonto xildhibaan Xaaji Cabdi Waraabe dalka imaaraadka carabta si loogu soo daweeyo.

Dhinaca kale qoyska xildhibaan Xaaji Cabdikariim Xuseen (Cabdi Waraabe) ayaa madaxweynaha, madaxweyne ku xigeenka somaliland iyo guud ahaan xubnaha xukuumada uga mahad celiyey dedaalka ay ugu jiraan ogaanshaha iyo ka war haynta xaalada xildhibaan Xaaji Cabdi Waraabe.