Gaarisa(W,N)-Wararka ka imanaya magaalada Gaarisa ayaa sheegaya in gubanayo suuqa  ugu weyn magaaladaasi ee loo yaqaano Suuq Mugdi kadib markii uu dab qabsaday.

Dabka ayaa ku fidey qeybaha kala duwan ee suuqa, iyada oo la arkacayo holaca iyo qaaxa ka baxaya suuqa.

Qaar ka mid ah dadkii ganacsatada ayaa alaabahooda ka daad gureysanaya , iyada oo shaqaalaha dab-damiska ay usoo gurmadeen suuqa, islamarkaasina dhuumo biyo ah ay ku daminayaan dabka.

Dabkan ka kacay suuqa ayaa kusoo aadaya xili guddiga doorashooyinka Kenya ay shaaciyeen natiijada doorashooyin halkaasi ka dhacay oo lagu tartamayay xilal kala duwan.

Kursiga baarlamaanka Gaarisa waxaa ku guuleystey Aadan Barre Ducaale, waxa uu tartan adag kala dhaxeeyey Faarax Macalin Dawaaraa, halka kursiga gufarnatooraha uu ku guuleystay Cali Buunow Qorane oo la tartamayay Nadiif Jaamac oo xilkaasi horey usii hayay.

Musharixiinta laga guuleystey wali ma aysan hadlin.

Wasiirka Arrimaha Gudaha Somaliland  Oo Ka Dhawaajiyey Is Afragad Dhex Maray Dawlada Somaliland Iyo Maamulka Puntland,Fariin Hanjabaad Ahna U Direy Dadka Ku Hawlan Khal-khal Galinta Qaybinta Kaadhka Codbixiyayaasha