Hargeysa(W,N):-Murashaxa Madaxweynaha WADDANI Dr.Cabdiraxmaan M.Cabdillaahi (Cirro), ayaa galabta xarunta hay’adda shaqaalaha Somaliland ka soo qaatay kaadhkiisii diiwaan-gelinta codbixinta Doorashada Somaliland oo muddooyinkan ba ka socotay goballada Maroodi-jeex iyo Togdheer.

Dr.Cabdiraxamaan Cirro, ayaa markii uu soo qaatya kaadhkaasi, waxa uu dadweynaha ugu baaqey in ay qaataan kaadhka si ay uga qeyb-qaataan isbedel dhaba oo dalka ka dhaca isla mar ahaantaana ay u xaqiijiyaan himiladdooda mustaqbal.

“Goobta xarunta shaqaalaha ee Hargeysa, waxa aan hada ka soo qaatay kaadhkaygii codbixinta Doorashada oo ah kaadhkeygii aan ku codeyn lahaa oo muwaadin kasta oo is diiwaan-geliyey uu qaadanayey, waxa aan ugu baaqayaa shacabka gobalka Maroodi-jeex iyo gobalka Togdheer ba in ay qaatana kaadhka codbixinta Doorashada ka hor wakhtiga lagu asteeyey in uu dhammaanayo qaadashada kaadhku, haddii kale muwaadinku waxa uu waayayaa xuquuqdii uu lahaa ee ahayd in uu codeeyo  aad iyo aad baanan ugu dhiir-gelinayaa dhammaan ba muwaadiniintu in ay kaadhkaas soo qaataan.”.Ayuu yidhi gudoomiye Cirro.