Hargeysa(Wajaalenews)-Wararka ka imanaya  maggaalada Laascaanood ee xarunta gobolka Sool ayaa waxay sheegayaan in ciidamada Booliska Laascaanood ay shalay qabqabteen dad gudaha Laascaanood ka abaabulayey mudaharaad lagaga soo horjeedo heshiiskii ay kala saxeexdeen dawlada Somaliland iyo Kooxda Khaatumo.

Dadkan oo doonayey inay mudaharaadkaasi dhigaan isla markaana abaabulayey dhigista mudaharaadkan ayaa ciidamada Booliska Laascaanood la sheegay inay xabsiga laascaanood ku gureen dadkaasi.

Waxaana dadkaasi mudaharaadkaasi ay kaga soo horjeedeen heshiiskaasi iyaga oo sidoo kalena doonayey inay Bulshadda Buuhoodlle ku kiciyaan horjoogaha kooxda Khaatumo Prof Cali Khaliif Galaydh iyo waftigii uu hogaaminayey ee ka qayb galay wada hadaladii Hargeysa ugu soo dhamaaday dawlada Somaliland iyo Khaatumo kuwaas oo shalay gaadhay deegaanka Widh-widh ee gobolka Sool.

Ciidamadan Booliska ayaa dadka ay qabqabteen ee abaabulayey mudaharaadka ayaa Tiradoodu dhamayd sida la sheegay ilaa 5 qof oo ahaa dadkii hormuudka u ahaa abaabulkan mudaharaadkan Laascaanood laga dhigayo.

Gabagabadiina dhawaan ayay ahayd kadib markii ay magaalada Hargeysa heshiiska ay ku kala saxeexdeen dawlada Somaliland iyo Kooxda Khaatumo,waxaana heshiiskan si wayn uga gubtay isla markaana arrimahan lagaga soo horjeedo abaabulaya maamulka Puntland oo iyagu diidan heshiiskan guusha ah ee ay kala saxeexdeen dawlada Somaliland iyo Kooxda Khaatumo.