Hargaysa(wajaalenews)ilaahay naxariistii jano haka waraabiyee waxaa goor dhawayd isbitaalku yaala dalka Hindiya ku geeriyooday Agasimihii guud ee wasaarada caafimaadka Marxuum C/kariim Xaashi Cilmi oo maalmahan u dambeeyay xaalad caafimaad u jiifay dhakhtar ku yaala dalka Hindiya.

Marxuum Cabdikariin Xaashi Cilmi ayaa ahaa halyey taariikh wayn ku lahaa dalka oo naftiisa iyo aqoontiisaba u soo huray badbaadinta iyo horumarinta dadka reer Somaliland, isagoo ahaa sarkaalkii la wareegay taliskii iyo hoggaamintii dagaalkii cuslaa ee Burco-duuray ku dhexmaray xooggagii SNM iyo ciidammadii Siyaad Barre 17/10/1984-kii oo uu weliba ku dhaawacmay, kadib markii uu ku geeriyooday Taliyihii hoggaaminayey ciidankii SNM Mujaahid Maxamed Xaashi Diiriye (Lixle). Waxa kaloo uu door wayn ka soo qaatay nabadayntii, dib-u-dhiskii iyo horumarinta hannaanka dawladnimada Somaliland oo uu ka soo qabtay xilal iyo shaqooyin kala duwan.