London,(Wajaalenews) Nin aan wali la aqoonsan ayaa middi iyo gaadhi ku weeraray xarunta Baarlamaanka Ingiriiska ee magaaladda London.

Ninkan ayaa ka hor inta aanu midada isticmaalin gaadhigiisa jiidh siiyey dadkii dariiqa marayey, ka dibna ku soo leexiyey dhismaha baarlamaanka Ingiriiska, waxaana wararku sheegayaan in askari xarunta baarlamaanka joogay Toori ku dhuftay ka dibna rasaas lagu furay  oo isla goobta ku geeriyooday.

Ninkan mididda sitay ayaa gaadhiga jiidhsiiyey dad lagu sheegay illaa 12 qof inkastoo wali warar faahfaahsan laga bixin, waxaana lagu jira xaalad degdeg ah, waxaana xildhibaanadda iyo dadkii joogay xarunta baarlamaanka lagu armay in aanay ka soo bixin, maadaama oo shaqo ka socotay Baarlamaanka.