Mudo Shan iyo Labaatan Sanno ah oo S/land jirtay Sheekada Siyaasadu waa mid badan, Shaqada Dawlada iyo Dadwaynuhu qabteena waa mid yar, marka loo eego koboca iyo horomarka laga sameeyay dhanka Wadaniyada Cadaalada,Sinaanta Bulshada S/land ee Miyiga iyo Magaalooyinka ku nool Maamul Wanaaga iyo ilaalinta Qiimaha Lacagta Wadanka ee Shilinka S/land si loo Xakameeyo Hoos u dhaca Qiimaha Shilinka S/land oo Cidhiidhi nololeed oo hor leh bulshada S/land ku keenay iyadoo ay muuqato in ay Culimadu marna ka hadal Dhibaatada Qiimo dhaca Shilinka S/land oo saamayn gaara ku yeeshay bulshada ugu badan S/land ee Lacagta Doolarku soo galin ee Miyiga ku nool Danyarta Qaadaa ma dhargaha ah, Muruqmaalka,Shaqaalaha Dawlada, Ciidamada, Qaranka, Asluubta iyo Masaakiinta ah ee Lacagta adag ee Doolarku soo galin iyadoo Diiwaanada Taariikhda Qarniyo iyo Sannado danbe lagu xusi doono in Culimada Waqtigan Nooli ka gaabsadeen in ay ka hadlaan oo ay Xukuumada ku garab joogsadaan Xakamaynta Qiimo dhaca Shilinka S/land .

Sidoo kale Bulshada S/land waxaa badan inta  Shilinka raadinaysa , balse inta Sharciga iyo Milgaha Dawladnimo ilaalinaysa ama gaadhka ka haysaa waa in yar”  marka si dhaba loogu fiirsado qaybaha kala duwan ee Bulshada Madax iyo Mijo, Maamul iyo Dadwaynaha, Maalqabeeno iyo Madaxdhaqmeedka,Masuuliyiin iyo Muwaadiniin, Culimo iyo Caamo, Muruqmaal iyo Maskaxmaal, Muxaafidiin  iyo Mucaaridiin, Mudanayaasha la doorto iyo Dhamaan Ururada Bulshada Rayidka ah.

Waxaana hubaala ah in Shan iyo Labaatan Sanno oo S/land jirtay  ay inagu adkaatay dariiqii loo mari lahaa in aynu Xakamayn karno Waxyaabaha Saboba Gaajada, Haraadka iyo Nolosha Cidhiddhiga ah ee Bulshada S/land maanta ku nool yihiin sida Qiimo dhaca Shilinka S/land oo Sarif Bararka Doolarka keentay,Cadaalad Darada iyo Dhaqaalihii Wadanka oo Kooxo Tiro yar Gacanta u galay halka Bulshada S/land ugu badan maanta ku jiraan Xaalad u baahan Gargaar Dag daga.iyadoo Aqoon Waayo aragnimo laga soo korodhsan Qurbaha iyo Wadamada Horomaray ee ay maanta ku noolyihiin Qurba Joog aad u badan balse aynu dul joogsano Qodobka 11 Dastuurka Jamhuuriyada S/land oo si cad u qeexaya nidaamka loo qaybsanayo Dhaqaalaha Dalka.

 Qodobka 11 aad ( Dhaqaalaha ) Faqradiisa Labaad Ee Distoorka Jamhuuriyada S/land.

2: Iyadoo la dhawrayo in aanu habka dhaqaale noqonin mid Horseeda in Barwaaqadu ku koobnaato ama ku ururto Koox ama Dad Tiro yar si aanay u dhalan Dabaqado Dhaqaale oo ka kooban kuwo wax haysta iyo kuwo aan waxba haysan si aanay u balaadhan Farqiga u dhaxeeya Nolosha Reer Magaalka iyo Reer miyiga, waxay Dawlada Jamhuuriyada S/land Xaqiijinaysaa in Adeegyada Bulsho iyo Fursadaha Dhaqaale si Sinaan iyo Cadaalad ah loo qaybiyo.

Anigoo maanta Diirada Qoraaga ku qaban doona hab dhaqanka Cusub ee Culimada Dalku kaga gaabsadeen Qiimo dhaca Lacagta Shilinka S/land oo saamayn Balaadhan  ku yeelatay Nolosha Bulshada S/land ee Miyiga iyo Magaalooyinka ku nool iyo Dhawaaqa dheer ee ay ku difaacayaan marka la soo cidhiidhyo danaha Dhaqaale ee Xawaaladaha iyo Shirkadaha Ganacsiga S/land sida SALAAMA BANK   iyo Dahabshiil BANK ugu horaynse aynu dib u milicsano Dhacdooyinka Diiwaanada Taariikhda ku xusan iyo Kaalinta Culimadu ku lahayd Marxaladihii Dalka S/land soo maray iyo siday uga muuqdeen Horomarka iyo Nabadgalyada Bulshada S/land ku caano maashay ” waxaa hubaala in Culimadu hormood u ahayd Dhaqdhaqaaqii Xornimo doonka ahaa ee Qarnigii hore Bulshada S/land Dalkooda kaga kicisay Gumaystihii Ingiriiska iyadoo maanta Diiwaanada Taariikhda ku Xusan yihiin Culimadii u Shahiiday Dhaqdhaqaaqii Xornimo doonka ahaa sida Alle Ha Ka Raali Noqdee Sh Bashiir ,sidoo kale waxaa Diiwaanada Taariikhda ku xusan Alle Raali Haka Noqdee in ay 11 Culimo ahi Hormood u noqdeen Kacdoonkii iyo Diidmadii Xilka lagaga tuuray Kalidii Taliyihii Maxamad Siyaad Barre markuu Sannadkii 1974 Bulsho % 100 Muslin ah kula kacay Amaro Kibir iyo Jeesjeesa oo si badheedh ahna u jabiyay Aayadaha Quraanka Kariimka ah iyadoo Culimadu Hormood u noqotay Mujaahidiintii Diinta Alle u Shahiiday Cahdigii Kalidii Taliyihii Maxamad Siyaad Barre.

Mar kale waxaa Diiwaanada Taariikhda ku xusan  in Culimadu Kaalin muuqata ku lahayd Dib u hesheesiintii Beelaha S/land iyo Yagleelkii Dhismaha Dawladnimo ee S/land iyadoo Culimadu ka mid noqotay Golihii Guurtida oo Taariikhdu ka marag kacayso in uu Bud dhig u ahaa Nabada iyo Dhismaha Dawladnimo ee S/land .

 Maanta waxaa muuqata in ay Culimadu ka gaabsadeen in ay Xukuumada ku garab galaan sidii loo xakamayn lahaa Qiimo dhaca Shilinka S/land iyagoo Culimadu ka war haya in Nolosha Bulshada Danyarta u badan ee S/land ku keenay Nolol Cidhiidhi ah oo ay iibsan kari waayeen Raashinkii Quutal Daruuriga ahaa iyadoo maanta qarka u saran yihiin Macluul iyo Gaajo in ay u dhintaan waxaana iswaydiin mudan maxaa maanta lagu macnayn karaa aamusnaanta ay afka ka xidheen in ay ka hadlaan Qiimo dhaca Shilinka S/land oo saamayn balaadhan ku yeeshay Nolosha Bulshada S/land ee danyarta u badan .

Ugu danbayn waxaa iswaydiin mudan Maxaa sabobay in ay Culimada ka gaabsadaan hoos u dhaca Qiimo Lacagta Shilinka S/land ? Maxaase Sabobay in ay Dhawaaq Dheer ku difaacaan Danaha dhaqaale ee Shirkadaha Ganacsiga ? Maxayse Culimada uga gaabsadeen in ay Bulshada u cadeeyaan Jawaabta Shareecada Diinta Islaamku  ka qabto Su”aalaha Ka Taagan Lacagta Tilifoonada Lagu Qaato ? Ma Jirtaase Culimo Ka Hadashay ? Imisa Dall Oo Islaama Ayaa Laga Isticmaalaa baananka dulsaarka leh ? Wax Bulshadu wax ku kula iibsato Yay  Shareecada Diinta Islaamku Siisay  Masuuliyadeeda  Wax Bulshada Ku ? Ma Dawlada ? Mise Shirkadaha Ganacsiga ? Maxaa Lagu Tilmaami Karaa Go”aanka Culimadu Kaga Gaabsadeen In Ay Bulshada Islaamka U Cadeeyaan Su”aasha Ka Taagan Lacagta Tilifoonada Lagu Qabto ?

Qalinkii : Abwaan Sacad X Maxamuud Gadhle Hargaysa S/land