Sweden (WJN):- Haddii aad habeenkii ka cabanayso hurdo yaraan amase ay hurdadaadu tahay mid googoos ah ogow in arrintaasi ay xidhiidh la leedahay cuntooyinka aad cunto xilliga cashada.

Khubarada ka faalooda arrimaha caafimaadka ayaa waxay cadeeyeen in cuntooyinka ay ku badan yihiin Basbaaska iyo Protenis-ka aadka u heer sareeya iyo sidoo kale maaddada Caffeine-tu ay dadka cuna xilliyada cashada aanay ka seexan karin, haddba si aad u hesho hurdo wanaagsan oo aan kala googo lahayn waa inaad ka dheeraataa cunista cuntooyinka hoos ku xusan xilliyada cashada:

Cuntooyinka Basbaaska leh ama kulul.

Cabbista Bunka habeenkii.

Cuntooyinka ay saliidu ku badan tahay ama Culus.

Cuntooyinka ay Sonkortu ku badan tahay.

Dhammaan cuntooyinkaasi waa kuwa saamayn ku yeelan kara hurdadaada habeenkii sidaa awgeed ka dheeraw isticmaalkooda xilliyada habeenkii iyo hurdada ka horba.