Trump ‘Diyaar Baan U Ahay Inaan La Shaqeeyo Ruushka Iyo Shiinaha’.
January 14, 2017 - Written by Wariye:
Hargeisa(WJN):-Madaxweynaha la doortay ee Mareykanka, Donald Trump, ayaa sheegay inuu diyaar u yahay inuu la shaqeeyo Ruushka iyo Shiinaha, taasise ay ku xiran tahay sida ay iyagu ula shaqeeyaan.
Mr Trump ayaa u sheegay wargeyska Wall Street in cunaqabataynta dhawaan lagu soo rogay Ruushka ay sii jiri doonaan “ugu yaraan intii muddo ah” hasayeeshee markaa kaddib la qaadi doono.
Sidoo kale waxa uu sheegay in laga wadahadli karo siyaasadda dalkiisa ee ku aadan Shiine midaysan, maadaama siyaasaddaasi jirtona uusan Mareykanku aqoonsanayn Taiwan.
in cunaqabataynta lagu soo rogay Ruushka ay suuragal tahay in la qaado haddii Moscow ay Washington ka caawiso dagaalka ka dhanka ah xagjirnimada Islaamiga iyo arrimo kale.
Waxa uu sheegay in uu rajaynayo inuu wadahadal la yeesho Madaxweynaha Ruushka, Vladimir Putin.
Arrinta Beijing-na, Mr Trump waxa uu sheegay in Shiinaha ay tahay inuu u ogolaado shirkadaha Mareykanka ay la tartamaan kuwa Shiinaha lacagtana uu ogolaado in suuqu sicirkeeda jaangooyo.
Hargeysa(W,N)- Dawladda Ruushka ayaa u muuqata inay aad u danaynayso inay saldhig ka samayasto xeebaha Berbera ee Somaliland, haddii ay go’aankaas kaga dhabayso, wuxuu noqonayaa saldhigii u horeeyay ee uu Ruushku Afrika ku yeesho. Wargeyska caanka ah ee New York Times, ayaa dhawaan qoray warbixin uu ciwaan uga dhigay “Ruushka…