Hargeysa (wajaalenews)—–Tv-gii Star ayaa qarka u saaran in in gebi ahaanba Al-baabada loo xidho,ka dib markii ay gebi ahaanba ka dareereen shaqalihii ka shaqaynayey ,kuwaas oo uga yaacay Tv-ga Mushahar la’aan iyo iyagoo lagu khasbay in ay Af-ka Xukuumadda KULMIYE ku haddlaan,isa markaana aanay siiday wararka Xisbiyada mucaaradka ah iyo wax kasta oo lidi ku ah Xukuumadda KULMIYE.

 Shaqaalahan cawaa ka dareeray Tv-ga Star ayaa ay tiradoodu dhan tahay 8,waxaana xusid in ay bishii dhamaatay hadda horaanteediina ay ka darreen hal-doorkii weriyaasha iyo mishiinadii dhaqaajinayey Tv-ga Star,kuwaas oo iyana u adkaysan waayey cadaadis iyo dulmiga ka taagan Tv-gaas,waxaana xusid mudan in dhaqaalaha yar ee meesha soo gala uu jeebka ku shubanayo mulkiilaha Tv-ga Star ,iyadoo aanu wax-ba ka siinayna shaqaalaha xataa mushahar-kooda iyo wixii ay xaq u leeyihiin.Qaar Kamid Ah Sawirrada Shaqaalaha Caawa Ka Yaacay Tv-ga Star 

 Dhanka kale Tv-ga Star oo horay u ahaa Tv-madax banaan ayaa mar-qudha isku bedelay Tv-ku haddla afka xukuumadda KULMIYE. isla markaana baahiya wararka xukumadda KULMIYE u yeedhiso,waxaanu  gebi ahaanba hakiyey wararka xisbiyada mucaaradka ah kuwooda  ku lidiga ah Xukuumadda KULMIYE ama ay isleeyihiin wey dhib-san doontaa, taas oo ku keentay Tv-gii Star hoos u dhac aad u weyn iyo in ay bulshadii ku xidhnay ka hayaanto, iyagoo ku dooda  bulshadu inuu noqday Star Tv mid ka meeqaam hooseeya Tv-ga afka Xukuumadda KULMIYE ku haddla ee qaranka.

Sidoo kalena mulkilihii Tv-ga Star ayaa Xukuumadda KULMIYE jeebka ugu shubtay qarash ay ku laaluushtay,waxaanay la gashay heshiis hoose,isagoo la sheegay in uu bilkasta  Xukuumadda KULMIYE siiso lacag tobon kun oo dollar kor u dhaafaysa,isla markaana waxa uu hadda kamid yahay guddida uu Muuse Biixi u xil saaray in ay soo qoraan Barmaamij Siyaasadeedka xisbiga gabalkiisu sii dhacayo ee KULMIYE ,waxaanu hadda ku fooganyahay mulkilihii Tv-ga Star qorista buugaasi.

Isku soo wadda duuboo Tv-ga Star ayaa umuuqda mid sii laalaabanaya oo albaabada loo xidhayo, iyadoo ay shaqalihii ka hawlgelayey ay ka haajireen dhamamaantood dalka iyo debada,waxaynu dhawr-naa duufaanada iyo dabayshu halka ay dhigto Tv-ga calaantiisu cadaatay ee Star.

Source:Somalilandcitizen