Hargeisa(Wajaalenews) – Xubno ay ciidanka amaanka Somaliland gacanta ku dhigeen todobaadkii hore ayaa daboolka ka qaaday  xidhiidh hoose oo ka dhexeeya Wasiirka Daakhiliga Somaliland Cali Maxamed Warancade Iyo Taliyaha laanta socdaalka Somalia Cabdilaahi Gaafoow, kuwaas oo sheegay inuu wax ka ogaa Mr Warancade xafiiskaas laanta socdaalka Somalia sida qarsoodiga ah ugu lahaayeen caasimadda Somaliland ee Hargeisa.

Sida ay Haatuf u sheegeen ilo wareedo xogogaal ahi xubnahan loo xidhxidhay falkaas qaranka Somaliland dhabar-jabka ku ah ayaa maalmihii u danbeeyey iyaga iyo qalabkoodiiba ku xidhnaayeen xarunta CID-da ee magaaladda Hargeisa, kuwaas oo wax lagaga waydiinayo arrimo badan. Xogaha Haatuf helay ayaa intaas ku daray in xafiiskankan laanta socdaalka Somalia uga furnaa Hargeisa inuu dadka faraha wixii information ah lagaga qaadi jiray Hargeisa isla markaana data-dooda loo diri jiray magaaladda Muqdisho oo loogu soo daabici jiray baasabooradda Somalia.

Sidoo kale arrimahan ayaa noqonaya khiyaamo qaran oo uu ku talaabsaday mid ka mid ah wasiiradda ugu awooda badan Somaliland, isla markaana noqonaysa khiyaamo qaran.

xigasho Haatuf,net