Muqdisho, 5,June,2016(Wajaalenews)-Allaha u naxariistee Marxuumad Wariye Sagal Salaad Cismaan ayaa goor dhaweyd lagu dilay magaalada Muqdisho.

Kooxo Hubeysan ayaa wariye Sagal ku toogtay Albaabka Jaamacada Plasma oo ay dhigan jirtay kadib markii ay ku fureen Rasaas.

Kooxdii dilka gaysatay ayaa  islamarkiiba goobta ka baxsatay waxaana marxuumad maydkeeda la geeyay Cisbitaal ku yaala magaalada Muqdisho.

Wariye Sagal Salaad waxaa ay ka tirsanayd Wasaarada Warfaafinta Somaliya waxaana ay imika ka shaqeyn jirtay TVga iyo Idaacada Muqdisho.

Laamaha amaanka iyo wasaarada warfaafinta Somaliya ayaan wali ka hadal dil Wariye Sagal Salaad , waxaana la sheegayaa in ciidamada sirdoonka Somaliya ay ku daba jiraan kooxihii dilka gaystay.