Hargaysa(Wajaalenews) Barkad biyood kutaala duleedka magaalada Hargaysa ee  degaanka xeedho ayaa Shalay Galinkii Hore  liqday wiil dhalinyaro ahaa oo lagu magacaabi jiray Mustafe Cabdi,wiilkan oo 14 jir ahaa ayaa u dabaal tagay barkadan isaga oo ka tagay xaafada Gantaalaha oo ay xaafadoodu deganaa,waxaana xiliga wiilkani ku dhacay barkada la socday wiil kale oo ay iska raaceen xaafada gantaalaha oo masaafo ahaan aad uga fog goobta barkadu ku taal.

Barkadan oo ka mid ah barkadaha dadwaynaha ayaa ah barkad aad u gundheer oo qiyaastii  gunteedu yahay 10 mitir ayaa ay camireen roobabkii guga ee dhawaanahan ka da,ayay Somaliland taasi oo keentay in ay adkaato in la helo maydka wiilkan yar oo ilaa 5 saacadood ku jiray salka biyaha balse mar danbe dabaal lagu helay.

Caruurta ku geeriyoota meelaha biyo fadhiisiga ah ayaa mudooyinkii u danbeeyay soo badanayay iyada oo mudo bil ah uun laga joogo laba caruur ah oo iyaguna ku geeriyooday Dhaamka xaafada Jigjiga yar ee Magaalada Hargaysa oo sanad kasta oo xili roobaadka  ay ku geeriyoodaan celcelis ahaan 10 ruux sidoo kalana Dhaamka daami ayaa isaguna liqa tiro intaa la mid ah.