Hargaysa(Wajaalenews):-Alle ha u naxariistee Marxuum Maxamed Dubbe Maxamuud oo ah Askari ka tirsan Ciidanka Qaranka ee Jiidda hore ee degmadda Oog, ayaa la sheegay innuu galabta fiidkii hore uu  geeriyoodday, kadib markii uu dilay Askari kale oo uu gacan qaad dhex-maray.

Sida ay sheegayaan wararka laga helaayo deegaanka Oog oo ah taliska ugu wayn aagga barri, ayaa la soo sheegayaa in laba Askari oo gacan ka hadal dhex maray uu mid ka mid ahi uu geeriyoodday, kadib markii ay ku dhacday Toorray uu sitay Askariga kale ee gacan ku dhiiglaha ahi.

Warku waxa uu intaas ku darayaa in gacanta lagu dhigay Askarigii gacan ku dhiiglaha ahaa ee dilka geystay, iyaddoo Alle ha naxariistee Marxuum Maxamed Dubbe Maxamuud uu Meydkiisu yaalla Degmadda Oog ee taliska Aagga Barri ee Somaliland.

XIGASHO ;HADHWANAAGNEWS