TOGWAJAALE(Wajaalenews) Xubno Ganacsato ah oo tiradoodu Toban Xubnood gaadhayso   iskuna  magacaabay Gudida Ganacsatada   Magaalada   tog Wajaale  ayaa Badeecadaha kala duwan  ee sida sharciga ah ugu gudbaya dalka itoobiya ee [ELSIiGAI] loo yaqaano  kaga qaada Cashuur sharci daro ah oo dalka Bari Galbeed  meel kale oo lagu qaadaa aanay jirin Gudidan ayaa cashuurta sharci darada ah ku qaada  Magaca  Rugta Ganacsiga Warshadaha iyo Beeraha.

Rugta Ganacsiga Warshadaha iyo Beeraha ayaa xafiiskii u horeeyay ka furatay Magaalada Wajaale bilawgiii sanadkii hore waqtigaas oo  ay si wada jira xadhiga uga jareen Gudoomiyaha Rugta Ganacsiga iyo Wasiirkii hore ee Wasaarada Ganacsiga DR Muuse Qaasim waxaase Bulshada iyo Ganacsatada Wajaale ku dhaqan la yaab ku noqotay Cashuurahan sharci darada ah ee magaca Rugta Ganacsiga Warshadaha iyo Beeraha lagu qaadayo oo Xafiiskooda ka furan Caasimada Hargaysa aanu wax cashuura ka qaadin dhamaan ganacsiyada iyo badeecadaha kala duwan ee la gaynayo dalka itoobiya .

 Gudidan Ganacsatada ah ee Magaalada Tog Wajaale ee Magaca Rugta Ganacsiga Warshadaha iyo Beeraha cashuurta sharci darada ah ku qaada waxaa Gacan ka siiya Ururinta Cashuurta Sharci Darada ah  Maamulaha Kastanka Wajaale Axmad Xasan Jaamac [Maal] oo Amar ku siiyay  Booliska Ilaalada Cashuuraha ee xukuma Barta Kaantaroolka ee looga gudbo Dalka Itoobiya in aanu dhaafi karin  Gaadiidka Badeecada sida ilaa  uu xaqiijiyo Sayid Aw Daahir Xasan  oo ka mida Shaqaalaha Wasaarada Maaliyada ee ku qoran  Kastanka Wajaale in ay bixiyeen Cashuurta Sharci Darada ah  hubiyana in ay Gaadiidku sitaan Warqada[ A Foorta ] oo lagu  qoray Magaca Rugta Ganasiga Warshadaha iyo Beeraha iyo [ certificate of origin ] iyadoo  kooxdan Magaca Rugta Ganacsiga ku shaqaysataa Xadiga Lacageed ee cashuurta sharci darada ee ay qaadaan  ka badan tahay  Xadiga Lacageed ee Dawlada Hoose ee Magaalada Wajaale  ka qaado Badeecadaha kala duwan ee u gudbaya dalka itoobiya.

Iyadoo Tallabadan u suurto gashay Gudidan Ganacsada ahi ay tahay Calaamad lagu Xaqiijin karo  Dawlad Xumada baahsan ee Xukuumada Madaxwayne Siiraanyo iyadoo ilaa imika lahayn Xogta dhabta ah iyo Masuulka ka danbeeya ee daaha dabadiisa ka hagaya ama ruqsada u siiyay in ay gudida ganacsatada ahi  ay Cashuur Sharci Daro ah ka urursadaan Magaalo Ganacsiyeedka Wajaale oo Aqalka Madaxtooyada  S/land looga taliyo u jirta Sideetan Kiiloo Mitir oo kaliya .

Dhanka kale Gudida Ganacsatada ah ayaan la garanayn meesha ay geeyaan Dakhliga faraha badan ee ka soo gala  Cashuurta sharci darada ee ay qaadaan  Sidoo kale lama garanayo warna lagama hayo waxa ay ku qabtaan Kharashaadka ka soo gala Cashuurta darada ah .

Waxaase hubaala hadii ay sii socoto Cashuurta Sharci Darada ah ee Magaca Rugta Ganasiga Warshadaha iyo Beeraha lagu qaadaa in ay Abuurmi doonaan kooxo kale oo Magacyo kale Cashuur Sharci Daro ah ku qaataa oo Gobolada Dalka ka samaysma  hadii aanay Hay,adaha ku shaqada  leh ee Xukuumada Madaxwayne Siiraanyo Xakamaynin Cashuurta Sharci Darada ah iyagoo  talaabo adag oo sharciga waafaqsana ka qaadaya Gudidan iyo Maamulkan Xalaashatay in ay Urursadaan  Cashuurta Sharci Darada ah ee Magaalada Wajaale  .    

WAJAALE STAFF

TOG WAJAALE OFFICE

EMAIL;WAJALENEWS@GMAIL.COM