HARGAYSA(W,N) Siyaasiyiinta Kasoo jeeda gobolka gabilay oo inta badan door muhiim ah ku leh giraanta wareegta ee siyaasada dalka, ayaa badi intoodii miisaanka ku lahayd gobolku aanay gacangta ugu jirin xisbul xaakimka Kulmiye Kadib guushii xisbiga ee xiligii siilaanyo balse guushii xiliga siilaanyo uu midba meel kaga tagay hasayeeshee mudo lix sano ah  kadib ayaa waxa murashaxa xisbiga loo cumaamaday     Muuse biixi Cabdi.  iyada oo qaar ay la safan yihiin xisbiga mucaaridka ah ee Wadani, halka ay qaar kalana aanay xiligan la socon Saaxada Siyaasada oo ay ka biyo diidsan yihiin.

Hadaba xiliyada la kaftamayo amaba muuse biixi wax laga waydiiyo sobobta uu u kasban waayay  gudoomiye Muuse Biixi oo ay meel kasoo wada jeedaan siyaasiyiinta reer Gabilay ayaa la xusaa weedh miisaaman oo uu ku cabiray gudoomiyuhu sida uu ku kasban karo siyaasiyiintan waxanay u dhignayd sidan:

“Siyaasiyiinta Gabilay mar waan hantiyi doonaa balse inta waqtiga ka hadhay qaar Wadani ayay igu sugayaan kuwa kalana iyagaa iman”   

Kalmadan ayaa noqotay kalmad waqtigeeda sugaysay waxaana durbaba xilkii uu xisbiga Wadani u hayay iska casilay xog hayihii Warfaafinta ee xisbigaas Boobe Yuusuf Ducaale oo ahaa xubin muhiima kana mid ah siyaasiyiinta miisaanka culus ku leh  guud ahaan somaliland iyo gobolka Gabilay balse ka maqnaa gacanta xisbiga Kulmiye, waloow aanu masuulkani cadayn xisbiga uu la safan doono hadana waxaa shaki wayni ku jiraa in gacan hoose oo xisbiga Kulmiye ahi jirto.

Si kastaba ha ahaatee lama saadaalin karo in siyaasiyiintaas mid mid ugu soo hooban doonaan xisbul xaakimka Kulmiye sidii  uu hore u sheegay gudoomiyaha xisbiga Kulmiye ahna musharaxa madaxweyne ee xisbigaas  Muuse biixi Cabdi  iyo inay la jaanqaadi doonaan kolba wacdiga siyaasadeed ee jira.

Qalinkii Farxaan Maxamed Barkhad