Burco(wajaalenews)Alla ha,u naxariistee waxaa maanta dablay hubaysan oo aan haybtooda lagaranayn ay ku dhex toogteen magaalada Burco, Marxuum lagu magacaabi jiray Yuusuf Oo Ka mid ahaa darawaliinta gaadiidka waawayn ee loo yaqaano Waaraadka oo ahaa kuwa iskaga kala goosha wadanada Somaliland iyo Puntland.

Waqtiga la dilay marxuum Yuusuf ayaa ahaa waqti uu ka shaqaynayay meherad ku taalay isla magaalada Burco.

Ilaa hada lama hayo sobobta dhabta ah ee ka danbaysay dilka ninkan iyo cida dilkan gaysatay toona,hase ahaatee ciidan booliska Togdheer ayaa wali ku daba jira baadhitaanka kiiskan.