HARGAYSA(Wajaalenews) Wararka laga helayo maxkmada gobolka hargaysa ayaa la sheegay in maalinta bari ah lafilayo in ay socdaal ku tagto jeelka madheera kaasi oo madaxtooyadu daba ka wado ismarkaana lagu qorsheeyay in salaadiyiintan, iyo koox dhalinyaro ah oo la xidhan lagu rido xukun qorqoosh   ay soo maleegeen  xubno kamida xukuumada siilaanyo iyo hogaanka xisbiga kulmiye ,

Hadaba warar laga helay saraakiil kamida Maxkamadda gobalka Hargeysa ayaa sheegay in  khamiista beri bilaabayaan  dhagaysiga dacwadda lagu soo oogay Salaadiin, cuqaal iyo dhallinyaro kale oo lagu eedeeyay inay ka dambeeyeen weerarkii bishii hore lagu qaaday goobta diiwaangelinta ee waqooyiga Hargeysa. inkastoo wararka hoose ee laga helayo qasriga madaxtooyadu tibaaxeen in dhagaysigan uu ku ladhan yahay xukun aan mudadiisa la shaacin.

dhanka kale dhaqdhaqaaqyo lagu diidan yahay xukun qorqooskan ayaa laga dareemayaa caasimada hargaysa,

Dadkan oo ka kooban 16 ruux, kuna xidhan xabsiga Mandheera, waxa dacwadoodu ay ka bilaabmaysaa hool ay maxkamadu ku leedahay magaalada Mandheera, waxaana sida ay saraakiisha maxkamadu Geeska Afrika u sheegeen deegaanka Mandheera tagaysa maxkamadda wareegtay ee gobalka Maroodi-jeex, waxaanay saraakiisha maxkamadu sheegeen in dhagaysiga dacwadu si rasmi ah u bilaabmayso khamiista beri.

Salaadiinta, cuqaasha iyo dhallinyarada kale ayaa lagu eedeeyay inay dambeeyeen weerarkaas, halka ay iyaguna beeniyeen inay lug ku lahaayeen weerarkaas, waxaanay dad badani isha ku hayaan dacwadaas oo ah mid muddo la sugayay.