Saylac(Wajaalenews) Taliyaha Ciidanka Ilaalada Xeebaha Gobollada Galbeedka

Somaliland Dhamme-Maxamed Yuusuf “Otor” ayaa isagoo kusugan

magaala-xeebeedda Saylac mar uu saaka saxaafadda qaarkeed la hadlayey

wuxu taliyahaasi si cadho leh uga hadlay hadal dawladda Djibouti kazoo

yeedhay oo kusaabsanaa dagaal dhowaan ciidammada Xeebaha Somaliland

iyo kuwa Djibouti ku dhexmaray Gasiiradda Ceebaad ee Galbeedka

Somaliland xilligaas oo Djibouti sheegtay inay ciidammadooda is heleen

malleeshiyaad hubaysan iyo in malleeshiyaadkaasi katirsanaayeen una

carareen dhinaca xeebaha Soomaaliya.

Waxana Taliye-Otor isagoo arrintaas ka hadlaya uu yidhi “Anigu Saylac

baan joogaa Somalia-na ma ahi ee Somaliland baan ahay, mana yeelayo

Afka ay Jabbuuti ku hadlayso, inta ya afkaas ku hadlaysona ma ahi nin

u xoodanaya ama horteeda tegaya”.  “Kamana aqbalayno cidnaba Somalia

baad tihiin waayo taasi waxay xaqiraad ku tahay qarannimada

Somaliland”.

Taliyaha Ciidammada Ilaalada Xeebaha Galbeedka Sanaag Dhamme-Otor

Isagoo ka hadlaya waanwaan arrintaas ay ka wadaan mas’uuliyiin

Somaliland katirsan iyo dawladda Djibout-na wuxu yidhi:

halkan ka dhagayso:

“Weftiga Somaliland iyo Kuwa Djibouti ee iyagoo aan iman ama arag

goobtii Djibouti weerarka gar-darrada ah kusoo qaadday ee gudaha

Somaliland haddana ka Wada hadlaya Arrintii Weerarka Djibouti ee ay

rasaasta madaxa kala dheceen ciidammada ilaalada Xeebaha arrintaas

waxan u arkaa in Djibouti waddo Midho Daray Duuduub baa lagu liqaa

Taasna yeeli mayno marnaba”.

Ugu danbayntiina Taliye-Otor wuxu intaas kusii daray “Djibouti

dabarkii nabadgelyada iyagaa gooyey oo weliba tiiqtiiqsi kusii daraya

annaguna waxannu leenahay mid noo gaar ah xidhi mayno lamana

heshiinayno ilaa inta ay carrabka ku dhejinayaan malleeshiyaad

Soomaaliya u cararay iyo ciidankayaga ayaa is helay”.  Cidday doontona

ha ahaato ama meeshay doontoba ha ahaadeene cid kastoo arrintaas ka

wada hadlaysa waxan u sheegayaa in aannaan aqbalayn weerarka qaawan

iyo hadallada Djibouti nagaga yimid qarannimada iyo jiritaanka

Somaliland-na aannaan cidna u daba fadhiisanayn waannuna ku filan

nahay xoraynta xuduudaha guud ahaan Somaliland inaannu ka difaacno

cadow kasta: