Burco(Wajaalenews) Wasiirka Wasaarada Warshadaha Somaliland Mud. Shucayb Maxamed Muuse ayaa safar shaqo ugu anbabaxay gobolada saaxil iyo Togdheer.safarkan oo ay ku wehelinayaan qaar kamid ah masuuliyiinta wasaarada warshadaha ayaa ah safar shaqo oo ay ugu kuurgalayaan xaaladaha wax soosaar ee goboladan khaasatan dhinaca warshadaha.

Safarkan shaqo ee wasiirka ayaa ujeedadiisu tahay sidii loogu kuur gali lahaa xaaladaha  warshadlayda dal  Somaliland  sidoo kale safarka ayaa wuxu kusoo dhagax dhigi doonaa dhisme wasaarada warshaduhu ku yeelanayso gobolka togdheer

wasiirka oo intii aanu u bixin safarkan  ka xog waramay ayaa  sheegay in safarkani qaadan doono dhawr maalmood sifiicana ay ugu kuurgali doonaan dhamaan warshadaha ka hawlgala labadan gobol isaga oo wasiirku sheegay in ay dhawaan tagi doonaan gobolada kale

sidoo kale wasiir ayaa u kuur gali doona habka

ay wax usoo saaraan iyo awooda warshadaha si loo kobciyo dhaqaalaha dalku u baahan yahay.

Xeerka kala xadaynta warshdaha Somaliland ayaa  la filayaa in dhawaan ay  diyaariso wasaarada warshaduhu kaasi oo baahi wayn loo qabo

mudadii uu joogay wasiir shucayb wasaarada warshadaha ayaa laga dareemayaa dardar galin iyo  sidii loo dhiiri galin lahaa warshadlayda dal waxaana la filayaa in ay wax wayn kusoo kordhin doonto  guud ahaan warshadaha kala duwan ee  ku filiqsan gobolada dalka.