Burco (Wajaalenews) Wariye Cabdimaalik Coldoon oo ka mida suxufiyiinta ka hawlgala magaalada Burco oo maalmihii u dambeeyay ku xidhnaa xabsiga dhexe magaaladaasi ayaa maanta dib u helay xorriyadiisii.

Wariye Cabdimaalik oo xadhigiisani la xidhiidhay wareysi uu ka qaaday wiil yar iyo nin dhawaan gabadhyar ku qashey gobolka Togdheer ayaa laamaha amaanka dalku  ku eedeeyeen inuu dambiyo ka galay booliiska iyo xeerka saxaafada Somaliland oo aan jideynayn in xabsi lagu dhex wareysto eedeysane iyo in wareysi laga qaado ilmo yar oo aan garasho laheyn.