TOGWAJAALE(Wajaalenews) Magaalo Ganacsiyeedka Togwajaale ayaa caawa fiidkii waxa uu Dabqabsaday Guri ay deganaayeen dad rayid ahi waxaana wararka naga soo gaadhaya magaalada Togwajaale noo xajiiyeen In gabi ahaanba uu shufbeelay gurigii.

Midkamida dadkii Goobjooge xiligan gurigu gubtay ku sugnaa madasha ayaa wajaalenews uga waramay sidii wax u dhaceen iyo gurmad la,aanta maamulka dawlada hoose.

Goobjooge; dabka ayaa guriga qabsaday 7;3o fiidnimo dhamaana wixii guriga dhexyaalay way Shufbeeshay lakiin majirto cid waxku noqotay oo dhamaan caruurtii ku jirtay dadwaynaha ayaa usoo gurmaday kana daad gureeyay, Dabkuna waxa uu ka kacay laydhii guriga

Dabdamiska dawlada hoose ayaa mar danbe yimid isagoo bilaa biyo ah

Sidoo kale wararkna naga soogadhaya ayaa tibaaxay in dadwayne cadhaysani ay shiideen gaadhi Dabdamiska oo mardanbe yimid isagoo bilaa biyo ah waxaana dhaawacyo fudud la gaadhsiiyay qaarkamida shaqaalihii saarnaa dabdamiska.

Gurigan ayaa waxaa gacantooda ku bakhtiiyay dad kaga soo kala gurmaday jaar iyo bulshada qaybaheeda kale.

Si kastaba ha ahaatee dhawaan ayaa waxaa labadalay maamulkii magaalada togwajaale iyadoo aan wali si cad loo ogayn sobabta loo badalay gudoomiyihii oo ahaa mid hawl kara halka walina aanu xilka la wareegin gudoomiyaha cusub ee loo magacaabay

Magaalada Togwajaale ayaa ah magaalo ganacsiyeed islamarkaana ay taalo hanti balaayiina halisna u ah hadii dabqabsado.

WAJAALENEWS DESK

TOGWAJAALE OFFICE

EMAIL;WAJALENEWS@GMAIL.COM